Programa de actividades da Asociación micolóxica Viriato.

20-09-2008: Comezo da tempada o sábado día 20 de setembro, coas saídas ao campo guiadas pola Xunta Directiva, continuando todos os sábados de outono, ás 9,00 h da mañá, desde o Local Social de Sillobre.
Os luns ás 19 horas, clasificaranse, no local social os cogomelos que interesen aos socios e efectuarase rexistro fotográfico das novas especies clasificadas.

11/12 -10-2008: A excursión da presente tempada efectuarase o 11 e 12 de outubro, a Veiga de Espinaredo, nos Ancares Leoneses, coas habituais visitas culturais, na que se recolleran os cogomelos máis interesantes para as Xornadas Micolóxicas de Ferro

Ponse en marcha a realización das obras de recuperación da Canle do Muíño o mes de setembro.
Cada catro sábados visitarase o Parque Micolóxico para efectuar o seguimento das obras e desenvolver as actividades de Silvicultura Fúnxica, Seguimento de cogomelos Silvestres e Cultivos de cogomelos Saprófitos.

Celebrarase a cea de inauguración o, sábado, 4 de outubro.

FERROL: Celebrarase a XXII Edición das Xornadas de Ferrol, que constarán de:

- Tres Conferencias no salón de actos da Fundación Caixa Galicia, no Cantón de Molíns, os día 14, 15 e 16 de outubro:

- Micorrización, por María Monteagudo Pichet, de Hifas da Terra, martes 14 de outubro, ás 19:30

- Cogomelos raros e ameazados, por Jaime Branco de Dios, da Federación Galega de Micoloxía, mércores 15 de outubro, ás 19:30

- Cultivo de cogomelos, por Antonio Muíños, de Funxicultura Muíños, o xoves 16 de outubro, ás 19:30

- Exposición de Cogomelos do Litoral Atlántico, baixo unha carpa no Cantón de Molíns, onde se realizarán actividades formativas e lúdicas cos escolares dos colexios de Ferrol, días 16 e 17 de outubro.

- Degustación popular de Cogomelos, cociñados pola Sociedade Micolóxica Viriato, día 18 de outubro, ás 13:00.

CARANZA (Ferrol): 6, 7 e 8 de novembro

-Xornadas Micolóxicas en colaboración coa Sociedade Rubia Barcia, co seguinte programa:

-Exposición, xoves 6 de novembro.

-Cultivo de cogomelos e degustación, venres 7, ás 20:00.

-Saída ao monte, sábado 8, ás 9:00, desde o local social Rubia Barcia.

XORNADAS DE FENE, 13, 14, 15 e 16 de novembro

-Obradoiro Micolóxico de Fene, no que se iniciará aos novos afeccionados na observación morfolóxica e organolépticas, así como na análise microscópica das esporas, para a clasificación de cogomelos. Os días 13e 14 de novembro.

-Saída ao monte, sábado 15 de novembro.

-Degustación de cociña de cogomelos baixo carpa o domingo de feira día 16 de novembro.

-Xornadas de Colexios, con saídas ao monte ou ao Parque Micolóxico.

SADA: Organizarase unha xornada para a Sociedade Galega de Historia Natural, pendentes de confirmar datas.

VIMIANZO: Pendentes de confirmar datas para organizar unhas conferencias sobre Funxicultura e o aproveitamento do monte.

Colaboración cos colexios dos Concellos de Ferrol, Neda e Fene para realizar actividades de coñecemento da natureza con escolares.
As devanditas actividades desenvolveranse nos primeiros e últimos meses do curso escolar e a poder ser mediante desprazamento ao parque micolóxico da Asociación Viriato Muíño da Barcia.

Iniciaranse, por parte de Viriato, as xestións do programa das Xornadas do Atlántico do 2009 presentado ao Concello de Ferrol.

Continuaranse as actividades de colaboración coa Federación, participación nas reunións e divulgación da Micoloxía e Protección da Natureza.